Dyma gyfle i ddarganfod mwy am fywyd dydd i ddydd trigolion Abertawe yn ystod cyfnod yr Ail Ryfel Byd. Beth oedd dogni bwyd? Sut oedd pobol yn adeiladu llochesi yn eu cartrefi? A pham ei bod hi’n holl bwysig diffodd bob golau yn ystod y nosweithiau er mwyn dilyn rheolau blacowt? Cewch ddarganfod y cyfan am fywyd yn yr Ail Ryfel Byd.
Bydd y gweithdy yn cael ei gynnal gan Glenys Myfanwy, perchennog Rhondda Stores yn Abertawe.
Addas ar gyfer disgyblion CA2
Cyflwyno hanes Cymru gyda hwyl a chyffro.
Pecyn Ffilm Fer a Gweithdy
Gan nad yw hi’n bosib i ni ymuno efo chi yn yr ysgol, dyma gyfle i ddod a hanes yn fyw yn eich dosbarth mewn ffordd rithiol! Mwynhewch wylio ffilm fer, oddeutu chwarter awr o hyd, am gymeriad o hanes Cymru cyn cymryd rhan mewn gweithdy rhithiol, 45 munud o hyd a fydd yn archwilio byd y cymeriad efo’r plant.
Mae’r pecyn ffilm fer a gweithdy ar gael am £85 + TAW ar gyfer un dosbarth (hyd at 35 o blant).
Gallwn gynnal gweithdai rhithiol drwy Teams, Zoom neu Google Classroom. Bydd Mewn Cymeriad yn danfon adnoddau perthnasol i’r ysgol o flaen llaw.
Gyda diolch i'r Gronfa Adferiad Ddiwylliannol am gefnogi'r gwaith yma.
