Community | Mewn Cymeriad

Bob sioe
Cymunedol
Cynradd
Uwchradd

Mae'n sioeau wedi cael eu perfformio mewn nifer o leoliadau, gan gynnwys yr Eisteddfod Genedlaethol, Gŵyl Cefni, Gŵyl y Caws Mawr a nifer o neuaddau cymunedol. Mae sioeau hefyd ar gael drwy Noson Allan, cynllun gan Gyngor Celfyddydau Cymru sy'n helpu grwpiau cymunedol i gynnal perfformiadau proffesiynol.

Dafydd ap - Straeon y Mabinogion

Ymunwch a'r bardd a’r rapiwr, Dafydd ap, wrth iddo geisio ffeindio’i ffordd o Aberystwyth i Went i gyfarfod ei noddwr hael, Ifor.

Darllen mwy

Barti Ddu - Cnaf Cyfrwys y Caribî

Dewch i gwrdd â Barti Ddu, y môr-leidr mwyaf tanllyd, lliwgar a llwyddiannus ohonyn nhw i gyd!

Darllen mwy

Roald Dahl - Dychmygwch!

Mae’r sioe un dyn yma, a chafodd ei gomisiynu gan Gyngor Llyfrau Cymru fel rhan o ddathliadau Roald Dahl 100, yn ffordd hwyliog i annog plant i ddarllen.

Darllen mwy

Owain Glyndŵr - Ein Harwr Ni

Ar ôl blynyddoedd o fyw dan ormes Arglwyddi’r Mers a brenhiniaeth Lloegr, dyma un Cymro dewr yn penderfynu taw digon oedd digon.

Darllen mwy

Kate Roberts, 1947

Sioe sy'n dilyn taith bywyd un o awduron pwysicaf Cymru.

Darllen mwy

Gair o’r ysgolion...

Harri Tudur

Ysgol Melin Gruffydd, Caerdydd

Cyflwyniad rhyngweithiol a diddorol sydd yn gwneud hanes yn rhywbeth byw. Diolch!

Arglwydd Rhys

Ysgol y Dderi, Ceredigion

Cyfle arbennig i ddysgu am hanes un o arwyr y Deheubarth mewn ffordd hwylus a chreadigol. Roedd yn weithdy cyffrous a rhyngweithiol, ac yn dod a hanes yn fyw o flaen llygaid y plant.

Harri Tudur

Ysgol Bro Banw, Sir Gaerfyrddin

Sioe un dyn ffantastic. Roedd yn llawn adloniant, ac fe wnaeth y plant fwynhau’r ddrama yn fawr iawn. Gyda chanmoliaeth uchel iawn.

Arglwydd Rhys

Ysgol Bro Pedr, Ceredigion

Cafwyd cyflwyniad bywiog a oedd yn cadw sylw'r plant ar draws ystod oedran blynyddoedd 3 - 6. Edrychwn ymlaen yn eiddgar at y perfformiad nesaf.

Harri Tudur

Ysgol Cefn Coch, Penrhyndeudraeth

Pleser o'r mwyaf oedd cael cwmni Mewn Cymeriad yn yr ysgol. Llwyddodd y cynhyrchiad mewn llai nag awr i gyflwyno hanes i'r disgyblion fyddai wedi cymryd tymor cyfan i'w gyflwyno mewn gwersi unigol, a hynny yn fywiog, egniol, llawn hwyl a hiwmor, cwbl addas ar gyfer plant cynradd. Diolch yn fawr!

Harri Tudur

Ysgol Y Berllan Deg, Caerdydd

Diolch yn fawr iawn! Mwynheuodd y plant (a'r staff) yn fawr iawn! Roedd yn sylfaen ac yn sbardun gwych i'n uned o waith. Mae'r plant wedi eu tanio i ddysgu mwy ac i ychwanegu at y wybodaeth a ddysgont gennych.

Buddug

Ysgol Llangoed, Sir Fon

Sioe wych. Perfformiad anhygoel gan 'Buddug'- ffordd effeithiol iawn o gael y plant i fod yn rhan o'r gweithdy. Staff a plant wedi mwynhau yn arw! Pob dymuniad da i chi ar gyfer y dyfodol... a mwy o sioeau plis.

Buddug

Ysgol Gynradd Llangewydd, Penybont

Diolch yn fawr iawn! Perfformiad rhyngweithiol, cyffrous ac yn llawn hwyl gan ‘Buddug’, a oedd yn cynnwys y plant i gyd. Fe wnaethon ni archebu’r cymeriad ar ddiwedd cyfnod o astudio’r Celtiaid. Y tro nesa’, fe fyddwn ni yn sicrhau ein bod yn archebu ar ddechrau’r cyfnod astudio, gan i’r plant fwynhau cymaint, a byddai wedi bod yn ffordd wych o sbarduno’u diddordeb i ddechrau dysgu am Buddug a’r Celtiaid.

Robert Recorde

Ysgol y Dderwen, Sir Gaerfyrddin

Dyma'r ail waith i Ysgol y Dderwen groesawu sioe 'Mewn Cymeriad' i'r ysgol ac rydym wedi bod wrth ein bodd unwaith eto! Heddiw cafodd y disgyblion a staff lawer o hwyl a sbri wrth ddysgu am hanes y mathemategydd, Robert Recorde. Diolch yn fawr! Edrychwn ymlaen at y perfformiad nesaf.

Harri Tudur

Litchard Primary School, Penybont-ar-Ogwr

Buaswn yn argymell ymweliad. Roedd yn gyfle dysgu gwych. Cofiadwy ac yn hwyl. Diolch!

Robert Recorde

Ysgol Gymraeg Tonyrefail, Rhondda Cynon Taf

Roedd y plant wedi mwynhau y sioe yn fawr iawn - fe gyflwynwyd y cymeriad Robert Recorde a sut i ddatrys problemau mathemategol mewn ffordd hwyliog a oedd yn apelio i’r plant.

Harri Tudur

Llandaf Church in Wales Primary School, Cardiff

Y sioe orau inni weld. Mae’r plant yn dal i ganu’r caneuon. Diolch!

Yr Esgob William Morgan

Ysgol Gwaun Gynfi, Gwynedd

Perfformiad ardderchog ac arbennig. Roedd yr hanes a’r sylw ar ddatblygu’r Gymraeg wedi plesio’n arw.

Mari Jones

Ysgol Abererch, Gwynedd

Fedran ni ddim meddwl am ffordd well o ddod a chymeriad hanesyddol mor bwysig a Mari Jones yn fyw yn nychymyg ein plant. Roedd y perfformiad yn ardderchog a'r plant i gyd yn ysu am gael rhyngweithio. Dyma'r ail sioe i ni ei mwynhau acw ac mae'r safon yn uchel eto. Diolch am ddarparu rhywbeth arbennig iawn yn ein mamiaith a heb adael ein hysgol! Gwerth am arian go iawn!

Owain Glyndŵr

Ysgol Tregarth, Gwynedd

Mae ein disgyblion yn frwdrydig iawn ynglyn a'r arwr Cymreig Owain Glyndwr, ac yn gwybod cryn dipyn am ei hanes. Fodd bynnag, roedd ei gael yma o'u blaenau,yn ddyn o gig a gwaed, yn dweud ei hanes yn ei eiriau ei hun yn anhygoel. Daeth Owain yn fyw o flaen eu llygaid, a chawsant fod yn rhan o'r gwrthryfel. Teimlant empathi tuag ato a'i achos ac heb os nac oni bai roedd yn arwr iddynt! Magwyd tan yn eu boliau am fod yn Gymry, ac yn sicr mae'n fwy o arwr fyth, wedi iddynt ddeall faint ei ymdrech a'i aberth. Wrth gwrs, ynglwm yn hanes y cymeriad, cyflwynwyd i'r disgyblion gryn dipyn o hanes y cyfnod hefyd, a gwych yw'r arfer o dynnu'r plant i mewn yn rhan o'r perfformiad drwy chwarae rol rhai o'r cymeriadau allweddol. Drwy hyn does dim amheuaeth y byddant yn cofio yr hyn a gyflwynwyd yn llawer gwell. Diolch felly , am baratoi'r adnodd gwerthfawr hwn i alluogi'r plant i ddysgu am hanes eu gwlad.Maent yn falch o alw eu hunain yn Gymry - fedrwn ni ddim gofyn mwy.

Hedd Wyn

Ysgol Mynydd Bychan, Cardiff

Dim ond nodyn sydyn i ddiolch yn fawr iawn am y perfformiad a gawsom ni heddiw yn y Neuadd! Roedd Sion yn wych ac roedd sylw pob un o'r plant wedi eu hoelio arno fo trwy'r perfformiad i gyd. Roedd y plant wedi cael digon o gyfleoedd i chwerthin ond hefyd i ystyried tristwch hanes Hedd Wyn.

Glenys y Siop - Byw drwy'r Blitz

Ysgol T. Llew Jones

Roedd yn sioe wefreiddiol, gyda’r disgyblion a’r staff wedi mwynhau mas draw ac wedi dysgu llawer mewn dull amlgyfrwng ardderchog. Roedd y disgyblion yn son am y sioe ddyddiau lawer ar ol hynny, sy’n dangos faint mor drawiadol oedd hi.