Gweithdy bywiog ar-lein yng nghwmni’r Prifardd – Hedd Wyn. Mi fydd y gweithdy yn trin a thrafod Barddoniaeth, Rhyfel ac Eisteddfodau mewn ffordd hwylus, yn ogystal â rhoi cyfle i’r plant ddatblygu hyder a dyfeisgarwch drwy gyd-weithio a pherfformio.
Darllen mwyYn 1865 fe wnaeth criw o Gymry benderfyniad i deithio dros y môr i gychwyn bywyd newydd ym Mhatagonia. Bydd y gweithdy yma yn gofyn i’r disgyblion ymholi sut beth oedd gwneud y penderfyniad mawr yma, yn ogystal ag archwilio sut roedd teithio ar y môr yn gyfle am antur newydd.
Darllen mwyGweithdy drama llawn hwyl fydd yn atgyfnerthu gwybodaeth y plant am hanes Owain Glyndŵr, gyda'r pwyslais, ar ddatblygu iaith, llafaredd a chydweithio.
Darllen mwyEr bod Alf wrth ei fodd yn darllen unrhyw lyfr sydd ar gael, ei hoff awdur yw Roald Dahl. Drwy’r gweithdy llawn hwyl a sbri yma bydd Alf a’r disgyblion yn defnyddio eu pwerau creadigol i ddod â rhai o gymeriadau o lyfrau Roald Dahl yn fyw yn y dosbarth.
Darllen mwyDyma gyfle i ddarganfod mwy am fywyd dydd i ddydd trigolion Abertawe yn ystod cyfnod yr Ail Ryfel Byd, yng nghwmni Glenys Myfanwy, perchennog Rhondda Stores.
Darllen mwyGweithdy rhyngweithiol sy’n canolbwyntio ar ddatblygu disgyblion mentrus a chreadigol wrth ddysgu am y teicŵn o Gymro - David Davies Llandinam. Bydd cyfle i geisio dod o hyd i wir ystyr y gair ‘entrepreneur’. Beth oedd e’n ei olygu yn Oes Fictoria yng nghyfnod cyffrous y Chwyldro Diwydiannol? A beth mae’n ei olygu inni erbyn heddiw?
Darllen mwyCymeriad go ddireidus oedd y bardd, Dafydd ap Gwilym. Bydd y gweithdy drama yma yng nghwmni Daf ap ei hun yn rhoi cyfle i ddisgyblion archwilio straeon hynaf Cymru ac i ddarganfod man cychwyn llenyddiaeth ein gwlad.
Darllen mwyGwyliwch y ffilm fer sy’n adrodd hanes yr iaith Gymraeg cyn cymryd rhan mewn cwis rhyngweithiol i ddarganfod hyd yn oed fwy am ein hiaith. Sesiwn sydd yn addas i siaradwyr rhugl ac i ddysgwyr oll.
Darllen mwyGweithdy sydd yn arwain disgyblion i ddatrys cyfres o weithgareddau mathemategol - rhai hawdd a rhai heriol! Bydd y gweithgareddau’n meithrin sgiliau rhesymu a datrys problemau mewn ffyrdd creadigol, llawn hwyl.
Darllen mwyGweithdy drama sy’n archwilio stori Buddug a’i brwydr yn erbyn y Rhufeiniaid. Bydd cyfle i ddisgyblion ymgyfarwyddo efo hanes Buddug drwy’r celfyddydau mynegiannol ac i ddarganfod bod wastad dwy ochr i bob stori mewn hanes.
Darllen mwyGweithdy yng nghwmni’r cymeriad Arglwyddes Llanofer, eicon ffasiwn gwreiddiol Cymru, yn seiliedig ar hanes y wisg Gymreig a Chymreictod. Bydd cyfle i ddisgyblion ennill hyder ieithyddol drwy’r ddrama a chân.
Darllen mwyMae'r gweithdy drama yma, sy'n seiliedig ar gyfnod y Tuduriaid, yn cyd-fynd a ffilm fer sy'n adrodd hanes brenin cyntaf y Tuduriaid, Harri VII. Bydd y disgyblion yn archwilio gwahanol ddyfeisiadau a darganfyddiadau yn ystod cyfnod y Tuduriaid, gan ddatblygu eu hyder a'u mynegiant creadigol.
Darllen mwy
